Birnin Gaza ya Hautsine

Ɓarnar da hare-haren Isra'ila suka yi cikin dare

Waɗannan hotunan na nuna irin ɓarnar da luguden wutar Isra'ila ya yi a Birnin Gaza a tsakar daren da ya gabata.

A jiya Juma'a rundunar sojin ta ce za ta tsananta hare-haren, inda a yau ta tabbatar cewa ta kai hari ta ƙasa kuma har yanzu dakarunta na cikin garin a arewacin Gaza.

SABODA JININ MUSULMAI AKE ZUBARWA SHIYA KASACEN YAMMA SUKAYI WATSI DA DOKA(ERDOGAN)

Shugaban ƙasar Turkiyya Recep Tayyip Erdogan ya yi kakkausar suka kan matakin da gwamnatocin Kasashen Yamma suka ɗauka a kan hare-haren da Isra'ila ke kai wa Gaza,

Mista Erdogan ya ce Kasashen Yamma sun kasa ɗaukar matakan da suka dace don magance rikicin saboda jinin Musulmai ake zubarwa.

Shugaban na Turkiya ya nuna shakku kan yadda ake aiwatar da yarjejeniyar kare hakkin dan'adam ta duniya, yana mai cewa da alama ƙasashen yammacin duniya sukan yi watsi da ita, idan ba ta dace da muradunsu ba, musamman idan ya shafi asarar rayukan Musulmai.

A wani muhimmin mataki, Erdogan ya soke ziyarar da ya shirya kai wa Isra'ila tare da nuna nadamar yin musabaha da firaministan Isra'ila Benjamin Netanyahu a taron Majalisar Dinkin Duniya da aka yi a birnin New York cikin watan jiya.

Wannan yana nuna gagarumin sauyi a dangantakar diflomasiyya tsakanin ƙasashen biyu.

A halin da ake ciki kuma, ministan harkokin wajen gwamnatin Falasɗinawa, Riyad al-Maliki, da ke kula da Gaɓar Yamma da Kogin Jordan, ba Gaza ba, ya bayyana hare-haren da Isra'ila ta kai a matsayin "yakin ɗaukar fansa."

Da yake jawabi a kotun hukunta manyan laifuka ta duniya da ke kasar Netherlands, al-Maliki ya jaddada cewa harin bama-bamai a Gaza na baya-bayan nan ya fi tsanani fiye da hare-haren da Isra'ila ta kai a baya.

Ya kuma yi kira a gaggauta tsagaita wuta.

IPhone 13 pro max

Hanyoyin Sadarwa Sun Katse a Gaza

A daren da ya gabata Isra'ila ta tsananta luguden wuta kan yankin Gaza fiye da sauran darare a baya, lamarin da ya sanya aka gaza sadarwa da al'ummar yankin, abin da ke nuna cewa da alama hanyoyin sadarwa sun katse.

Isra'ila a ɓangare ɗaya ta tabbatar da cewa dakarunta na ƙara faɗaɗa samamen da suke yi ta ƙasa.

Cibiyar da ke sanya ido kan harkokin intanet mai suna Netblocks ta wallafa a shafinta na X cewa "an samu katsewar intanet."

Kungiyar bayar da agaji ta Red Crescent da ke aiki a yankin ta ce ta kasa yin magana da jami'anta da ke cikin Gaza.

Kungiyar ta rubuta a shafinta na X cewa "Akwai damuwa game da ko tawagarmu za ta iya ci gaba da aikinta na bayar da agajin kiwon lafiya, musamman ganin cewa wannan katsewar sadarwa ta shafi lambar neman agajin gaggawa ta 101."

A jiya Juma'a ne dakarun Isra'ila suka sake umurtar Falasɗinawa su ƙara matsawa zuwa kudancin yankin Gaza bayan sanar da cewa za su faɗaɗa ayyukansu na soji.

A lokacin wata sanarwa ga manema labaru, mai magana da yawun rundunar sojin Isra'ila, Daniel Hagari ya ce sojoji sun "tsananta hare-hare kan Gaza. Sojojin sama suka kai farmaki ne kan maɓuya na ƙarƙashin ƙasa da kuma cibiyoyin ƴan ta'adda."

"A ci gaba da ayyukan da muka fara a ƴan kwanakin da suka gabata, dakarun ƙasa za su faɗaɗa hare-harensu a wannan yammaci."

Yanzu haka dai hanyar sadarwa ta katse tsakanin mutanen Gaza da sauran duniya, don haka akwai ƙarancin bayanai kan halin da ake ciki.

BBC ta yi ƙoƙarin tura saƙo ta manhajar Whatsapp zuwa Gazar, kuma tun daga yamma da aka tura shi har yanzu yana nuna bai sauka a wayar da aka tura ba.

Haka nan kuma, kiran waya ba ya shiga duk wani layin waya da ke Gazar.

BBC ta yi yunƙurin kiran lambobin waya da dama, amma duk ba su shiga ba.

Kamfanin sadarwa na Jawwal da ke aiki a yankin Falasɗinawa ya ce an yanke duk wata hanyar sadarwa a zirin Gaza.

BBC ta kuma nemi jin bayani daga rundunar sojin Isra’ila game da wannan batu, amma har yanzu babu wanda ya yi wani bayani a kai.

IPhone 15 pro max

You can visit our store for your affordable price

Amurka Bazata sauya matsayanta akan yancin israila da palasdinuba

Shugaba Joe Biden ya ce Amurka ba za ta canza matsayin da aka san ta a kai ba, game da Isra'ila da al'ummar Falasdinawa, tun kafin 6 ga watan Oktoba, ranar da Hamas ta kai hari cikin Isra'ila. Yayin da yake jawabi a taron manema labarai a gefen Firaministan Australia Anthony Albanese, Biden ya ce dole Isr'ila ''ta yi duk abin da za ta iya yi domin kare fararen hula''. Shugaba Biden ya ce ya kaɗu da jin rahotonnin yadda wasu da ya kira ''Yan kama-wuri-zauna masu tsattsauran ra'ayi'' ke far wa Falasɗinawa a Gabar Yamma da Kogin Jordan. "Suna kai hare-hare kan Falasɗinawa a wuraren da suke da 'yancin zama. Ya kamata a dakatar da wannan", in ji Biden. Ya kara da cewa Amurka na goyon bayan Isra'ila wajen kare kanta daga hare-haren Hamas, kuma "za ta tabbatar Isra'ila ta samu abin da take buƙata don kare kanta daga waɗannan 'yan ta'adda. Wanna tabbas ne." Mista Biden ya ce Hamas ba ta wakiltar "mafi yawan Falasɗinawan Zirin Gaza ko ma a wani wuri da suke". Ya ci gaba da cewa "Hamas ba za ta ci gaba da fakewa a bayan Falasɗinawa fararen hula tana kai wa Isra'ila hare-hare ba".

TASHIN DOLLA DAKUMA FADUWAR NAIRA

Meye yake kawo tashin dollar a Nigeria 🇳🇬? Masani ilimin tattalin arziki sun bayyana cewar, kusan kashi 80% cikin 100% na kayan da Nigeria take amfani dasu kayan kasashen waje kuma da dollar ake siyo su. Kusan danyan man fetir ne kadai Nigeria take futa da shi kasar waje wanda ake biyan ta dollar, sannan kuma itama ta bada maqudan dollars domin abata tatatcen man. Atadalilin tabarbarewa ilimin primary, Secondary, dakuma university a Nigeria, ya zamanto masu kudi da masu riqe da madafun iko a Nigeria 🇳🇬 yayan su a kasashen waje suke karatu, kuma mafi yawan makarantun da suke zuwa a England, America, Dubai dakuma sauran kasashen duniya duk da dollar ake biyan kudaden makarantun. Fanin neman lafiya da yan Nigeria suke futa kasashen duniya shima yana daya daga cikin matsalar da yake sanyawa dollars take qara hauhawa, domin kasashe irin su England, America, Germany, India, Egypt, da sauran su, duk yan Nigeria da dollar suke biya gurin neman lafiya. Kamfanoni duk sun durqushe, dalilan hakan ya zamanto Nigeria bata futar da kayyayaki kasashen duniya balle har ta samo dollar da zasu shigo Nigeria. Wannan shine dalilin hauhawan dollars, domin buqatun dollars yayi yawa a Nigeria, asa'ilin da samun ta yayi qaranci ga yan Nigeria 🇳🇬. Mene mafuta? Mafuta muddin ana son samun sauqin hauhawan dollars, shine gwamnatin Nigeria tayi kokarin tada matatan man fetir inda Nigeria zata daina siyan tatacce daga waje, sannan ayi kokarin farfado da kamfanonin da suka durkushe ta yadda Nigeria zata dunga siyar da kaya a kasashen ketare ana biyan ta da dollar, sannan agyara fannin ilimi da lafiya ta yadda yan Nigeria zasu rage futa kasashen waje domin neman su.